شعر عن خيانة الأصدقاء
5 مشترك
صفحة 1 من اصل 1
شعر عن خيانة الأصدقاء
شعر حامد زيد عن خيانة الصديق
يا كثر مارافقت خلان وأحباب ***** وياكثر مافي شدتي هملوني
على كثر ماعدهم ستر وحجاب ***** على كثر ما احتجتهم واتركوني
من صارت الخوه ثمن حفنه تراب ***** نفس الوجيه الي نصوني نسوني
من غير ذكر فروق وعروق وانساب ***** كانو ثلاثه... والثلاثه جفوني
علمتهم وشلون الاهداف تنصاب ***** ولما سواعدهم قوت ..صوبوني
عشاني اصغرهم عمر صارو احزاب ***** عشاني اصدقهم قصيد اظلموني
الي نجاح اسمي زرع فيهم انياب ***** حتى النصيحه ..مابغو ينصحوني
دام العطايا بينهم دين واتعاب ***** والله لو اطلب ذنبهم.. ماعطوني
طالب نصيحه كاني مطالب ارقاب ***** وهي نصيحه !! كيف لو زوجوني ..؟
كنت اكتب لنفسي مشاريه واعتاب ***** ولادري ان الي قروني .. قروني
تضاربت من دوني عقول والباب ***** واجد بغو غيري.. وواجد بغوني
اقفل هدب تسهر على شعري اهداب ***** كاني حبست رقادهم في جفوني
لو شفتهم واحد يشوفوني اسراب ***** من وين مالدو نظرهم لقوني
اثري وجودي بيتهم محرق اعصاب ***** ومزعل بعضهم من بعض لو طرووني !
ياكبري بعيني وانا توني شاب ***** واهم كتاب الشعر حاربوني
حتى ولو يهوي على نجمي شهاب ***** يكفيني ان اسمي كبير بعيوني
قد قال ابوي ان هبتهم قول ماهاب ***** لويقدرونك قول ماتقدروني
مدام قبري محتضن راس مرقاب *****على كثر ماتقدرون ادفنوني
لو ماني بذيب . انهشت عظمي ذياب ***** لو ماعرفت اثبت وجودي لغوني
لو ماسكنت وجيههم . مت بغياب ***** لو ماعرف امحي ورقهم محوني
اصبحت الاصعب لانهم كانو اصعاب ***** جننتهم مثل ماجننوني
ماجيب ابدبل كبدهم شعر وخطاب ***** لين ادبلو كبد الذي خلفوني
ياويل وجهي كن للدمع مخلاب ***** ماجف ماه ومستحا من طعوني
كل ماطرى لي منظر مريب وارتاب ***** كان الوحيد الي يحرك شجوني
قبله صلاه . وذكر . وخشوع . وكتاب ***** وامي على سجادة النور دوني
تدعيلي الله يفتح بوجهي ابواب ***** تتوسله بالشده يكون عوني
من كثر ماخفاقها بالدعا ذاب ***** صارت تحس ان ازملاي اكرهوني
بشرتها يمه معي ربع واصحاب ***** ماني لحالي واجد الي يبوني
من يوم ماحاز اقلمي كل الالقاب !!***** قلطتهم في دفتري واحفظوني
الله وهبنيهم بني عم واجناب ***** من يوم جيت اعجبتهم واعجبوني
واعجابهم فيني ماهوبايه اعجاب ! ***** باسلوبي بشرحي بطرحي بلونى
لو قلت عن نفسي بشر صرت كذاب ***** لو قلت دمي من ذهب صدقوني
لو كيفهم كان ازرعو دربي اعشاب ***** لو بيدهم بتشبهون اشبهوني
من كثر ماصارو من اطبوعي اقراب ***** حتى بلبسه شمغهم قلدوني
واجد دعوني واغلقو من دوني الباب ***** وواجد ناس ابكيلهم مابكوني
لو طالو لهدمي مناسيب واطناب ***** كان وغلاتك من زمان اهدموني
مدام حطو فيني عيوب واسباب ***** جنبت عنهم مثل ماجنبوني
اصلا لو ان بخوتي شي ينعاب ***** ذبحت نفسي قبل لايذبحوني
انا يدي لو ماكست متني اثياب ***** نذر علي اقطع يدي من متوني
مو عيب اجي مدعو ولا اشوف ترحاب ***** العيب لو اني رجعت ان دعوني
مادمت اجي ولا يحسبون لي حساب ***** حرمت اروح اذا يبونييجون
رد: شعر عن خيانة الأصدقاء
رائعه يا شاعرة =)
malakXworld- عضوة جديدة
- عدد المساهمات : 112
النجوم : 218
السٌّمعَة : 0
تاريخ التسجيل : 30/09/2015
العمر : 22
الموقع : السعوديه
رد: شعر عن خيانة الأصدقاء
السلام عليكم ورحمه الله وبركآآآته
اهلـــا حبيـ كيفكــ ؟ ان شآآء اللـــه بافضلـ الاحوال
قصائد جميــــلهـ جدا جدا جدااااا
ولها معنى رائع
موضوعــــ مفيد وجميلــــ
استمري
رد: شعر عن خيانة الأصدقاء
صحيح كم أكره الخائنين و لكن أمثال صديقاتي في العالم قليل " الصديقات الحقيقيات "
ღ moumou ღ- عضوة جديدة
- عدد المساهمات : 23
النجوم : 182
السٌّمعَة : 1
تاريخ التسجيل : 24/12/2015
العمر : 19
الموقع : < تونس > تحديدا بقابس و أصلي من جرجيس
رد: شعر عن خيانة الأصدقاء
جميييييل جداااااااااااااااااا
نور الشمس1- عضوة جديدة
- عدد المساهمات : 204
النجوم : 445
السٌّمعَة : 9
تاريخ التسجيل : 29/12/2015
الموقع : الجزائر
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى